三星Gear S係打到电话嘅手錶

三星Gear S係打到电话嘅手錶

三星明显对自己嘢偏心,6月的Gear Live颓爆,将Gear 2作业系统转做Android Wear就算,可能係有心留力,将新功能、新造型都留俾採用自社Tizen的Gear S吧。Gear S再用上曾经一度被受追捧的弧形屏幕,不过最特别都係可以用到SIM卡,只靠只錶就打到电话、收发SMS、寄电邮之类。而能人所不能,係有代价嘅,三星开价係$2,998,贵过晒其他流动产品对手(包括未开售的Apple Watch!),甚至佢自己厂都有大把哩个价嘅大芒中阶智能电话拣啊。

1. 个样还可以(竟然!)
三星智能手錶产品个样一向麻麻,难得三星又再喺特别比人多嘅进步空间之中行多几步。两吋屏幕採用弧形设计,飞走镜头同整细主按键,加上粗錶带,睇落比较似手扼(而非重口宅味电子配件),个样潮少少,冇咁钝。

三星Gear S係打到电话嘅手錶
◆ 三星Gear S,有黑色同白色拣三星Gear S係打到电话嘅手錶
◆ 两吋弧形显示屏幕三星Gear S係打到电话嘅手錶
◆ 按键细细粒,唔碍眼三星Gear S係打到电话嘅手錶
◆ 继续採用摺扣錶带

2. 直接当手提电话用
Gear S最伟大嘅功能就係通话!佢背面设有nano SIM卡槽,收到3G,可以做到其他智能手錶做唔到嘅嘢:独立收发短讯、电邮冇问题,係真係睇晒成封讯息再回覆(用QWERTY键盘打字或用S Voice声控)都冇问题,而且连通话都做到,可以用SIM卡个号码打电话同接电话,接埋你本身部机飞线过嚟嘅电话都可以。

三星Gear S係打到电话嘅手錶
◆ Gear S先天通讯功能比人多 三星Gear S係打到电话嘅手錶
◆ 最特别係可以直接靠机内SIM卡拨号三星Gear S係打到电话嘅手錶
◆ 重可以接听其他号码转驳的电话

3. 其他方面就正正常常啦
Gear S个两吋屏幕显示360 x 480解像,质素唔错,侧望同光猛环境都睇得算清楚。採用硬件为1GHz双核处理器、512MB RAM,有4GB储存空间,其实即係翻炒Gear 2,实际用落都几流畅。只錶符合IP67防尘防水规格,应付洗手、落雨冇难度。计心跳、步数这类流行健康功能Gear S当地有,另外还有其他感应器,连紫外线、气压都测埋。

三星Gear S係打到电话嘅手錶
◆ 心率感应器位于机背三星Gear S係打到电话嘅手錶
◆ 睇睇内置有咩功能三星Gear S係打到电话嘅手錶
◆ 装其他app都可以

总评:
Gear S最独特嘅地方肯定係自备SIM卡槽,兼任能够独立使用的通讯工具,但要将Gear S当主机使,似乎还是难为了一般人,可能到头来还是当成转驳和显示智能电话讯息的第二屏幕就算,如果作为双卡用家另类之选应该比较适合。

查询: 三星 (电话: 3698 4698): http://www.samsung.com

定价: $2,998